Demon's Souls
مقدمه بسيطه :
"لعبتها بوقتها وأنا 'نوب' لفل مليون، وكانت تجربتي على تلفزيون قديم و ـ CRT لكنه بين الجيلين. أتذكر إني لعبت مع اثنين من الشباب أونلاين، وقفت في مرحلة السجن.وقلت خايسه وسحبت عليها .
اللعبة نزلت في 2009، وبصراحة شكراً لسوني لأنهم أعطونا 'ريميك' لها؛ لأن النسخة الأصلية كانت مسجونة على الـ PS3 وما تقدر تلعبها الا ps3 أو محاكي.
ووقت إعلان الريميك، كنت مخلص تقريباً كل ألعاب FromSoftware، وبما أن تصنيفي المفضل هو الـ Souls-like، كان حماسي جداً لأن ما كنت أسمع عن اللعبة إلا المدح.
وفعلاً لما لعبت الريميك استمتعت فيه بشكل عام، لكن كانت هناك أمور سلبت المتعة مني؛ خل نشوف المراجعة وبعدها راح تفهموني :
هل اللعبه تستحق ام لا اليوم راح اقولك ( لا تخلي احد يقرر عنك روح العب) ؟
بصريا : ما يحتاج
القيم بلاي :
الحلو انه الريميك اخذ التجربه الاصليه 1-1 مع تحسينات بدون تغيير الجوهر و التجربه , المقصد انه ما سهل او صعب اللعبه الى حد يخليك تقول صارت لعبه ثانيه ,واذا انت لاعب اي لعبه سولز حقيقيه بسرعه راح تفهم كل شي خصوصا انه هي بدايه التصنيف ( اعلان : فيه مقال راح يجي عن موضوع السولز وفلسفة الاستوديو مستقبلاً، فانطر ) .
القتال بشكل بسيط هجوم خفيف هجوم قوي دفاع رول درع سحر وهكذا و الاعداء بشكل عام يعطونك فرصه تتنفس ومافيها تكديس فعلي صراحه لدرجه تغث .
اذا انت جديد على التصنيف اول نصيحه اقولك انسى خبرتك ب الالعاب و ابدا من الصفر هي اقرب ل trunbase سريع من هاك اند سلاش او تصنيف الموسو
شنو يعني الي قلته قبل شوي يعني الي كنت متعود عليه قبل بس طق مربع و مثلث و خلاص ما يمشي اهني لانه فيه سستم جديد عليك مثل لياقه وزن و كسر انميشن هجومك و عادي عدو تافه يسبب لك مشكله و بعضهم عادي يسوي لك باري . هذه الاشياء عامه بالتصنيف مو بس اللعبه ف الافضل تحفظهم حق المستقبل . انزين تقول يا اراغون انا جديد شنو اسوي قاعد اموت واجد و اللعبه خياس ولا قاعد استمتعت الالعاب المفروض وناسه مو جذي ليه مافيها مستوى صعوبه ؟
راح اقولك عادي غيرك واجد ب اختصار تجنب التصنيف ولا تكون سبب في تدمير هويته.
فلنفرض انك تبي تكمل بس مو عارف الدرب اول خطأ تسويه هو انك تروح يوتيوب . كل الي عليك انك تتعلم شلون كل عدو تتعامل معاه خصوصا الي عند البونفاير من تتعلم تقدر تفرم شوي و تدور سلاح و توزيع نقاط تناسب اسلوب لعبك .
من الاشياء الموجوده وعنصر مهمه اذا انت تحب تجميع الtrophy شي اسمه world tendency <ماراح اتكلم عنه لاني ما فهمته ولا اهتميت له كمل اللعبه طبيعيه رغم انه يلعب دور مهم ب صعوبه اللعبه و الdrop rate
القصه :
نجي الحين حق اهم الاشياء ب الالعاب بالنسبه لي القصص
القصص عندي هي شي جوهري يكون سبب انه اللعب تقعد بعقلي لفتره طويله حيل خصوصا من ناحيه npc و boss وهكذا
لكن ...
جميع العاب السولز اسكب القصص فيهم (نعم كلهم) ف ماراح اتكلم عنها .
نجي لاهم شي بالمراجعه ليه التقييم 7 رغم انه كلام اغلبه مدح
اساس السولز لايك او الخطوه الاولى التي لم يتم تقديرها في البدايه .